Дөрвөлжингийн М.Баярсайханы жир биш амжилт

Завхан аймгийн Дөрвөлжин сумын энэ уяач сумандаа гоц сайхан амжилтыг гаргасан билээ.  2005 оны Дөрвөлжин сумын баяр наадамд Сайханжаргалын хээр азаргыг уяж түрүү магнай, Борлог морь түрүү магнай, Соёолон хүрэн үрээ түрүү магнай, Хязаалан хээр үрээ түрүү магнай, хүрэн үрээ аман хүзүү. Шүдлэн хүрэн үрээ айргийн 5, хоёр хүрэн даага түрүү, аман хүзүүнд хурдлуулсан гайхам амжилтын эзэн юм. Нэг уяач 5 түрүү 3 айраг авах нь ахин давтагдах боломжгүй мэт амжилт юм. Завхан аймгийн хэмжээнд сумын баяр наадмаас таван түрүү авсан уяач хоёр байдаг бөгөөд Монгол Улсын алдарт уяач Ж.Баянжаргал Говь Алтай аймгийн Жаргалан суманд 1994 онд  5 түрүү авч байжээ.