Данаажавын Батсайханы хээр

Монгол улсын сайн малчин Данаажавын Батсайханы хээр морь. Баянхайрхан сумын Ганцэцэгийн унаган цагаан тавагт халтар азарганы үр, эх нь өөрийн унаган хүрэн гүү. Даагандаа сумандаа аман хүзүүдэж, шүдлэн сумандаа түрүүлээд, Нөмрөг сумын 80 жилийн ойд түрүүлж, Завханы ойд айрагдсан. Хязаалан Түдэвтэй сум, Баянхайрхан сумын 80 жил, Асгатын ойд түрүү. Соёолон Завхан аймгийн наадамд долоод, Идэр сумын Ялгуусан гэгээний наадамд түрүүлж, Түдэвтэйн майдар эргэхэд түрүүлж, Баянхайрханд суварганы нээлтэд, Сар хайрханы даншигийн 10 жилийн ойн том наадамд долоолсон. 2008, 2010 онд Түдэвтэйдээ айрагдаж, их бага наадамд 8 түрүүлж тав айрагджээ.

Данаажавын Батсайханы хурдан хээр морьтой эцэг нэгтэй бор үрээ аймагт айрагдсан. Энэ борын дүү Ичинноровын бор гэж сумандаа 2011-2014 онуудад завсаргүй дөрөв айрагдсан морь юм. Улсад Бандгай манлайн бор морь айрагдаж байх цагт, энэ бор сумандаа айрагдаж байсан юм гэдэг. 2014 онд Нөмрөгийн ой, аймгийнхаа хойд бүсэд айрагсдан. 2017 онд Нөмрөг, Сонгинод айрагдсан. Баянтэс, Түдэвтэй гээд Завханы олон суманд айрагдсан морь. Нэг эхтэй Батсайханы бор, Ичинноровын бор, Баярцогтын бор гээд ах дүү гурван хурдан бор морь гарсан.