Дэмчигийн Энхбаатар

Завхан аймгийн Шилүүстэй сумын харьяат Д.Энхбаатар 2024 оны цагаан сараар нийслэлийн алдарт уяач цол хүртсэн. Түүний урд жил Хэнтий аймагт болсон зүүн бүсийн уралдаанд сонгомол дунд насанд бор үрээгээ айрагдуулсан. Тод манлай уяач Б.Лхагва-Очир түүний хурдан морьдыг уяж байгаа. Хулд сумын түүхт 100 жилийн ойд сонгомол дээд насанд хонгор халзан азарга зургаалж, бор шүдлэн хөтлөсөөр үзүүр дээрээ манлай уяач Г.Батболдын Баяр хүрэнд дийлдэн аман хүзүүдэж, хонгор даага нь сонгомол багад айрагдаж байсан юм. Хонгор халзан даага нь Хонгор халзан азарганы төл. Цээлийн Баяраагийн адууны бор гүүний үр. Хэдхэн хоногийн ард бор үрээ Хэнтий аймгийн 100 жилийн ойн зүүн бүсийн уралдаанд аман хүзүүдэв. Бор үрээ хонгор халзан даагатай эх нэгтэй, Цээлийн Пүрэвийн Баяраагийн алтан азарга халтрын төл юм. Бор үрээ 2024 оны Хангарьд уралдааны түрүү. Энэ ангилалдаа улсын хэмжээний хурдан адууны нэг юм.