Чигэстэйн хурд
Хуучин Жавхлант сум одоогийн Алдархаан сумын Чигэстэй багийн уяачдын амжилт. Зарим оны архивын материал дутуу байдгийг анхаарна биз ээ.
Азарганы түрүү 1969, 1971, 1972 Хасын Балдангийн бор. 1984 онд Мөнхөөгийн хээр түрүүлсэн. Лхагважавын улаан азарга 1983, 1984 онуудад айрагдсан.
Их насны түрүү 1994, 1999 онуудад Буян-Очирын хул. 1968 он Банзрагчийн улаан гуравт, Ө.Очирбатын бор 1986, 1987 онуудад айрагдсан. Хээр алаг их нас нь 1986 онд гуравт хурдалсан. Энх-Амгалангийн хээр 1987 онд айраг, 1989, 1991 онуудад Дүгэржавын бор айраг. 1991 онд Мангалын Дамдинсүрэнгийн хээр, 1993 онд Л.Жадамбаагийн хээр их нас айрагджээ.
Соёолон 2011 онд С.Амарбаясгалангийн хээр түрүү. 1986 онд Ж.Жамьяншаравын хээр, 1980 он Доржсүрэнгийн зээрд, 1989 он С.Буян-Очирын хул, 1995 Ж.Мягмарын халиун, 1996 Б.Амгаланбаатарын хондон, 2014 Д.Хадбаатарын хүрэн, 2016 Т.Самбуу-Ёндонгийн зээрд, 2018 он Т.Самбуу-Ёндонгийн хээр үрээд айрагдсан.
Хязаалан насанд долоон түрүү авсан. 1962 он Дооромбын хар бор, 1964 Жанчивын улаан бор, 1966 Ж.Жамьяншаравын хээр алаг, 1968 Ж.Доржсүрэнгийн хар бор, 1979 он Санжаагийн бор 1980 О.Санжаагийн хар бор, 1981 Доржийн хээр үрээ түрүүлжээ. Ц.Өлзийцогтын хар, Н.Дүгэржавын улаан бор, С.Амарбаясгалангийн хээр, Т.Самбуу-Ёндонгийн зээрд үрээ Завхан аймгийн баяр наадамд айрагдсан.
Шүдлэн найман адуу энэ багийн уяачдаас айрагдсан. Цуваа зарим он дутуу тул үүнээс ч олон байх магадлалтай юм.
Даага 1964 он Намсрайн хээр, 1966 Ж.Доржсүрэнгийн бор, 1973 Д.Мишгээгийн бор, 1974 он Намсрайн хээр, 1978 он Санжаагийн бор, 1992 М.Дамдинсүрэнгийн Хүрэн, 2000 он М.Дамдинсүрэнгийн хүрэн даага түрүүлсэн. 1980 он С.Содномдаржаагийн цавьдар аман хүзүү, Д.Мишгээгийн хээр гуравт хурдалсан. 1991 онд Мөнхөөгийн хээр, Г.Ганбаатарын хээр дааганууд айраг. 1992 онд Бүдрагчаагийн хондон, 1994 онд Д.Мишгээгийн хээр, 2000 онд Ж.Бархасын халтар, 2001 онд С.Дүгэрсүрэнгийн хээр айрагджээ.
