Алдархааны Чинбатын Болд-Эрдэнэ

Энэ сумын нэрийг сүүлийн жилүүдэд гаргаж байгаа уяач бол Алдархаан сумын уугуул Чинбатын Болд-Эрдэнэ юм. Монгол улсын алдарт уяач Галсангийн Болдбаатарын Уралдаанч галд нэгдэн сайн наадаж байна. Хээр азаргаа нутгийнхаа тахилгатай уул Даян хайрханаар нэрлэж даян хээр гэх болсон. Сүхбаатар аймгийн Халзан сумын уяач Баярын Баттөрийн унаган адуу. Эх нь Жаргалсайханы Анхбаярын Уулбаяны улаан адууны бор гүү. Эцэг Б.Баттөрийн халтар азарга. 2021 оны цар тахалтай жил улсын баяр наадамд зохиогдолгүй гурван бүс хийхэд Сэлэнгэд очиж соёолон үрээ 161 хүлгээс гуравт хурдалсан. Энэ баярт хүрэн их нас нь айрагдсан. Уралдаанч галынхан энэ наадмаас долоон айраг авсан билээ. 2022 оны Их хурд уралдаан Хэнтий аймгийн Чингис хотноо болоход хээр азарга нь тавд хурдалсан. 2023 оны Завхан аймгийн 100 жилийн ойн баярт хүрэн их нас хараахан айрагдаж чадалгүй зургаалсан ч, хүрэн хязаалан гуравт хурдлуулсан.