Түмэндоржийн Мөнхбатын хар үрээ

Завхан нутгаас сүүлийн жилүүдэд магнайдаа тоосгүй хурдалж байгаа энэ хурдан хүлэг тод манлай уяач Балдоржийн Баярдоржийн унаган адуу юм. Даага сумынхаа баярт түрүүлээд, Завхан аймгийн наадамд түрүүлсэн. Ер нь Нөмрөг сумаас Завхан аймгийн баярт түрүүлсэн анхны адуу болов уу. Шүдлэн аймгийхаа бүсэд түрүүлээд, Тариат сумын түүхт 100 жилийн ойд түрүүлсэн. Хэдхэн хоногийн өмнө Сонгино суманд болсон бүсийн уралдаанд Б.Ганбатын нэрээр дахин түрүүлсэн. Ганц нэг удаа айраггүй мултарсан бол айрагт багтахаараа зөвхөн түрүүлдэг адуу юм. 

Сонирхуулахад Түмэндоржийн Мөнхбат дөлгөөн халтар хэмээх Сумьяасүрэнгийн Ганхуягийн унаган хүлгийг 12 мордуулж, 12 айрагдаж түрүүлгээд Гантөмөрийн Чинзоригт очиж 2020 оны улсын баярт соёолон түрүүлж, 2022 оны улсын наадам, Их хурд уралдаанд айрагдаад байгаа билээ. 

Удахгүй бас нэгэн хар адууг төрд гаргаж ирэх болов уу гэж таамаглаж байгаа даа.

Гэрэл зургийг П.Баатарзоригт.