Манжилжавын Болд

Тосонцэнгэл сумын уяачдын холбооны тэргүүн. Аймгийн баяр наадмаас олон айраг түрүү авчээ. Аймаг, аймгийн бүсийн уралдааны нийт түрүү айраг 70 гарсан гэж ярив. Аймгийн баяр наадамдаа нэг дор азарга, их нас түрүүлсэн. Энэ баярт халтар азарга нь Ядамсүрэнгийн Санжмятавын нэрээр бас тавалж байлаа. Түдэвтэйн Аюурзана алдартаас хойш ийм амжилт гаргасан уяач өөр үгүй болов уу. Унаган хоёр дааганы нэг нь аймагтаа түрүүлж, нөгөө нь тавд хурдалж байсан. Сонгомол ангилалд нэг жил хоёр хүрэн адуу айрагдуулж байлаа. Тува хүрэн морь нь дээд ангилалд айрагдаж, тод манлай уяач Б.Билэгдэмбэрэлийн адууны бүлтэн хүрэн нь дунд насанд түрүүлсэн. Дараа жил нь энэ хоёр хүрэн адуу хоёулаа сонгомол дээд насанд айрагдаж байсан түүхтэй юм. Хонгор морь 2018 онд сумандаа болсон аймгийн бүсэд түрүүлж, Тэлмэний ойд аман хүзүүдэж, Их-Уулын ойд дөрөвт хурдалсан. 2019 онд Тэлмэний хаврын бүсэд айрагдаж Очирвааний хурд 2019 уралдаанд гуравт, 2020 оны Завхан аймгийн баяр наадмын түрүү их морь билээ. Хээр азарга 2017 онд даага аймагтаа түрүүлж, Очирвааний шигшмэлд түрүүлсэн. Шүдлэн Тосонцэнгэлдээ түрүүлж, хязаалан Тэлмэний хаврын бүсэд түрүүлжээ. 2020 онд Завхан аймгийнхаа баяр наадамд азарга түрүүлсэн.