Улсын наадмын хязаалангийн дэлгэрэнгүй цуваа
Үндэсний их баяр наадам хязаалан насны морьдын уралдаанаар эхэллээ. 256 үрээ бүртгүүлж 70 гаруй үрээ хасагджээ.
1. Дундговь аймгийн Эрдэнэдалай сумын харьяат нийслэлийн алдарт уяач Батсуурийн Чинзоригийн хээр. Аймгийн алдарт уяач Сосорбурамын Одгэрэл уясан. Загджавын Мэндсайханы унаган адуу. Өнгөрсөн жил Төв аймгийн Мөнгөнморьтын ойд түрүүлсэн.
2. Булган аймгийн Гурванбулаг сумын харьяат Дамбын Хишигжаргалын хүү Энхжингийн Хээр. Даагандаа улсын баяр наадамд түрүүлж, шүдлэн Жаргалтхааны 100 жилийн ойд аман хүзүүдээд, Хэнтийн 100 жилийн ойд түрүүлсэн. Д.Хишигжаргал тод манлай уясан. Баруунхараагийн Билгүүний унаган адуу.
3. Хэнтий аймгийн Норовлин сумын харьяат Нямноровын Мөнхийн бор халзан. Тод манлай уяач Түмэндэлгэрийн Ихбаяр уясан. Дорноговь аймгийн Өргөн сумын Гончигийн Амгаланбаатарын унаган адуу. Даагандаа гурван цомын уралдаанд түрүүлж, улсын баяр наадамд айрагдаж, говийн бүсэд түрүүлсэн. Шүдлэн үрээ Архангай аймгийн 100 жилийн ойд айрагдсан.
4. Говь-Алтай аймгийн Эрдэнэ сумын харьяат Бэгзсүрэнгийн Гантулгын Хээр. Улсын бүсэд хоёр айрагдаад, улсын наадамд айрагдсан. 2022 онд даагандаа Баянхонгорын бүсэд гуравт, шүдлэн Хэнтий аймгийн 100 жилийн ойд гуравт хурдалсан. Дорнод аймгийн Халхгол сумын Сүхбаатарын Батмөнхийн хээр азарганы төл, Эрдэнэцагаан эхтэй. Хэдхэн хоногийн өмнө Паризанд түрүүлсэн.
5. Сүхбаатар аймгийн Баяндэлгэр сумын харьяат Бямбажавын Баярмагнайн Бор. Унаган адуу, эх нь тод манлай уяач Т.Галбадрахын угшил, эцэг нь Хадбаасангийн Бат-Эрдэнийн хүрэн азарга. Батмөнхийн Булгадай уясан. Хэдхэн хоногийн өмнө Хэнтий аймгийн баруун бүс Дархан суманд түрүүлсэн.
6. Төв аймгийн Угтаалцайдам сумын харьяат аймгийн алдарт уяач "Тайгам Алтай" Пүрэвийн Баярбатын Халтар. Дорнодын Жамцын Энхболдын унаган адуу. Тод манлай уяач Т.Батзориг уясан. Даагандаа улсын наадамд айрагдаад, говийн бүсэд айрагдсан. Шүдлэн Жаргалтхааны 100 жилийн ойд айрагдсан.
7. Хөвсгөл аймгийн Тариалан сумын харьяат Дамдинсүрэнгийн Даваасүрэнгийн Хээр. Дамдинсүрэнгийн Ариуннаран уясан.
8. Өвөрхангай аймгийн Хайрхандулаан сумын харьяат монгол улсын гавьяат малчин, тод манлай уяач Эрдэнэбатын Эрдэнэчулууны зээрд халзан. Унаган адуу
9. Завхан аймгийн Яруу сумын харьяат тод манлай уяач Дашзэвэгийн Дагвадоржийн Загал. Манлай уяач Батсайханы Пүрэв-Очир уясан.
10. Улаанбаатар хотын Баянгол дүүрэг Ширчинсүрэнгийн Батжанцангийн Зээрд
