О.Хангай аварга Говь Шанхад түрүүллээ

Говь шанх-7 говийн бүсийн даншиг наадамд хүчит бөхийн барилдаанд 128 бөх барилдав. 1999 онд анхны даншигт Дархан аварга Б.Бат-Эрдэнэ, улсын заан А.Сүхбат нар үлдсэн бол дараагийнханд улсын заан Ц.Магалжав түрүүлж байлаа. 2011 онд улсын заан Ч.Санжаадамба түрүүлж, шинэ начин Ц.Одбаяр үзүүрлэсэн. 2015 онд мөн Ч.Санжаадамба түрүүлж, улсын заан Б.Батмөнх үзүүрлэсэн. Өнөө жил улсын аварга Оргихын Хангай түрүүлж, улсын аварга Пүрэвийн Бүрэнтөгс үзүүрлэж, Улсын заан Ц.Одбаяр, улсын заан Б.Бат-Өлзий нар их шөвөгт үлдэв.