Орхоны Сонгомол дээд

Орхон аймгийн баяр наадам Эрдэнэт хот Эрдэнэт үйлдвэрийг бүтээн байгуулсан анхдагч илгээлтийн эздийн-50 жилийн ой Хангайн бүсийн хурдан морины уралдааны Сонгомол дээд нас наймдугаар сарын 4-нд уралдав.

1.Завхан аймгийн Тосонцэнгэл сумын уугуул Сэрээтэрийн Баярсайханы бор. Тод манлай уяач Төмөрбаатарын Галбадрахын унаган адуу. Улс бүсийн уралдааны долоо дахь түрүү. Мягмарсүрэнгийн Алтан-Очир уясан. 

2.Төв аймгийн Алтанбулаг сумын уугуул Г.Багахүүгийн хүрэн халзан. Гансүхийн Хадбаатарын унаган адуу. Сагурын төлийн төл. Өнөө жилийн улсын баяр наадамд айрагдсан.

3.Сэлэнгэ аймгийн Баянгол сумын уугуул Т.Төрмөнхийн хонгор зээрд. Хязаалан Дундговь аймгийн ойд түрүү, Төв аймгийн 100 жилийн ойд айрагдаад, өнөө жил улсын баяр наадамд тавлаад, Боржигоны бүсийн уралдаанд айрагдсан. Баянмөнхийн Бямбадоржийн хонгор 2023 оны Дундговийн шилдэг сонгомол нас.

4.Сүхбаатар аймгийн Дарьганга сумын улсын алдарт уяач Гончигийн Чинзоригийн хээр

5.Төв аймгийн Батсүмбэр сумын уугуул МУТМУ Сундуйн Лувсанбалдангийн зээрд. Өөрийн унаган адуу. Өнөө жил Батсүмбэр сумынхаа ойд түрүүлсэн. 2022 оны Налайхын бүсэд айрагдсан. 

6. Төв аймгийн Батсүмбэр сумын уугуул МУТМУ Сундуйн Лувсанбалдангийн Луу халтар. Улс баяр, улс бүсийн уралдаанд 24 айрагдаж түрүүлсэн домогт түмэн эх. Том уралдаанд дөрөв дэхээ зургаалав. 

7. Сүхбаатар аймгийн Эрдэнэцагаан сумын харьяат Шүхэртийн Лхамсүрэнгийн Бор. 

8. Хэнтий аймгийн Дадал сумын харьяат тод манлай уяач Батхүрэлийн Бат-Өлзийн хүү Оргилын Хонгор халзан. Өнөө жил Шанхын даншигт айргийн араар орсон. 

9. Говь-Алтай аймгийн Шарга сумын харьяат тод манлай уяач Хадбаасангийн Бат-Эрдэнийн хээр. Тод манлай уяач Б.Бат-Өлзий уясан. 2021 онд Сэлэнгийн бүсэд даагандаа түрүүлээд, 2023 онд Хэнтийн бүсэд сонгомол дундад айрагдсан. Өнөө жил улсын баярт айргийн араар хурдлаад Говь Шанхын даншигийн хөтөлж уралдаад аман хүзүүдсэн.