2014 онд улсын цол авсан уяачид

Үндэсний их баяр наадмыг зохион байгуулах комиссоос Үндэсний их баяр наадмын тухай хуульд заасан болзол хангасан уяачдад цол хүртээхээр өргөн мэдүүлсэн саналыг үндэслэн Монгол Улсын Ерөнхийлөгч XVII жарны “Ялгуусан” хэмээх Хөх модон морь жилийн сар шинийн баярын босгон дээр зарлиг гаргаж олон жил хурдан морины уяа сойлго тааруулж улсын хэмжээний наадмуудаас түрүү, айраг авсан нэр бүхий уяачдад улсын цол хүртээлээ.

МОНГОЛ УЛСЫН ТОД МАНЛАЙ УЯАЧ ЦОЛООР:

1.Хэнтий аймгийн Биндэр сумын уугуул, Улсын манлай уяач Батхүрэлийн Бат-Өлзий

2.Завхан аймгийн Улиастай сумын уугуул, Улсын алдарт уяач Дашзэвэгийн Дагвадорж

3.Завхан аймгийн Цэцэн-Уул сумын уугуул, Улсын Манлай уяач Бэгзсүрэнгийн Содномцог

4.Төв аймгийн Сэргэлэн сумын уугуул, Улсын Манлай уяач Банзрагчийн Жанчив

МОНГОЛ УЛСЫН МАНЛАЙ УЯАЧ ЦОЛООР:

1.Төв аймгийн Баян сумын уугуул, УИХ-ын гишүүн, уяач Миеэгомбын Энхболд

2.Булган аймгийн Гурванбулаг сумын уугуул, “Авзага трейд” компанийн захирал, Монгол Улсын гавъяат барилгачин, Улсын алдарт уяач Пүрэвийн Мэндбаяр

3.Булган аймгийн Гурванбулаг сумын уугуул, Улсын Алдарт уяач Дамбын Хишигжаргал

4.Төв аймгийн Баянжаргалан сумын уугуул, Улсын Алдарт уяач Галбадрахын Баттөмөр

МОНГОЛ УЛСЫН АЛДАРТ УЯАЧ ЦОЛООР:

1.Ховд аймгийн Чандмань сумын уугуул, уяач Батчулууны Ерөөлт

2.Дорноговь аймгийн Иххэт сумын уугуул, уяач Тогтохбуянгийн Лхасүрэн

3.Төв аймгийн Баянцогт сумын уугуул, уяач Сумъяасүрэнгийн Ганзориг

4.Сүхбаатар аймгийн Халзан сумын уугуул, уяач Рагчаагийн Ооёо

5.Говь-Алтай аймгийн Баян-Уул сумын уугуул, уяач Пүрэвдоржийн Алтансүх

6.Завхан аймгийн Дөрвөлжин сумын уугуул, уяач Дайдаахүүгийн Баяраа

7.Ховд аймгийн Дарви сумын уугуул, уяач Түвдэнхүүгийн Батцоож

8.Дундговь аймгийн Хулд сумын уугуул, уяач Бандиагийн Баярсайхан

9.Завхан аймгийн Эрдэнэхайрхан сумын уугуул, уяач Намжилцэрэнгийн Даш-Өлзий нар тус тус хүртлээ.