Завхан аймгийн түүхт 80 жилийн ой 2003.07.26-27 өдрүүдэд болж өнгөрөв. 

Азарга

1. Завхан Түдэвтэй Э.Гүр-Аранзын Дүү зээрд. Сандуйжав манлайн Алдарт Дүү зээрд азарга. 1999 онд улсын баярт зургаалаад, хоёр бүсэд түрүүлсэн. 2000 оны улсын баяр наадамд түрүүлээд, Тамирын хурдад түрүүлж, Хэнтийд аман хүзүүдсэн. Тогоруу угшлын тод төлөөлөл.

2. Завхан Нөмрөг С.Баярсайханы Саарал. Санжаасүрэнгийн Баярсайханы саарал энд айрагдан Их хурд уралдааны эрх авч ирж уралдаж байсан. Харамсалтай нь хангай авчихсан.

3. Архангай Ихтамир Л.Алтангэрэлийн Цавьдар. Монгол улсын алдарт уяач Ломбын Алтангэрэл. Энэ жил түүний морьд тун хурдан байсан. Цавьдар морь улсын баярт айрагдуулж цолд хүрсэн.

4. Завхан Цэцэн-Уул Д.Батмөнхийн Шарга. Завхан аймгийн засаг дарга Дамбийнямын Батмөнхийн шарга азарга. Завханы Тэсийн Г.Оюунбаатараас авсан. Дараа жил нь улсын баяр наадамд гуч гаргаж хурдалж байлаа. Сумандаа дөрөв түрүүлсэн хурдан хүлэг авсан гэдэг.

5. Говь-Алтай  ЕсөнбулагД.Гунаажавын Хүрэн.

Их морь

1. Увс Өндөрхангай Л.Дамдингийн Оодон хээр. Улсын алдарт уяач Дамдингийн Оодон хээр морь улсын наадамд арван хэдээр орж Баянхонгорт аравт багтаж, Ховдод айрагдаж, Завханд мөн айрагдав. Соёолондоо Сар хайрханы даншигт түрүүлсэн. Өдгөөгийн Өндөрхангайн нэрийг гаргаж байгаа улсын начин Тогтохжаргал бол эдний хүү юм.        

2. Завхан Тэлмэн  Э.Ганбатын Зээрд. Завхан Тэлмэний улаан тайжууд овгийн Энэбишийн Ганбат Монгол улсын алдарт уяач ММСУХ-г үндэслэгчдийн нэгэн. Хурдан моринд хөрөнгө оруулалт хийх их аяны хошуучлагч.

3. Завхан Цэцэн-Уул Д.Чулуунбатын Ухаа

4. Ховд Мянгад  Ц.Оросоогийн  Хар. Оросоогийн хар Мянгад угшлын адуу. Энэ хүлэг Ховд аймгийн баяр наадамд түрүүлж байсан. Энэ хүний аав Түвшинжаргалын Цогтоо 1996 онд монгол улсын алдарт уяач цол хүртсэн.

5. Завхан Түдэвтэй  У.Аюурзанын Саарал. Аймгийн арслан, улсын алдарт уяач Уснихын Аюурзана. 1979 онд Завхан аймгийн баяр наадамд алдарт арслан Сандаг-Очирын Юнрэнг орхин түрүүлж явсан. Түүний аварга улааны дүү сарт саарал морь.

Соёолон

1. Завхан Баянтэс Ө.Чулуунбаатарын Хээр

2. Говь-Алтай  Халиун Т.Гантөмөрийн Хүрэн. Т.Гантөмөрийн хүрэн Асгат адуу. Нутагтаа Асгат сааралтай ойрхон уралддаг хүлэг байсан гэдэгээ.

3. Завхан Тэлмэн  Э.Ганбатын  Чой хонгор. Энэбишийн Ганбатын Чой хонгор азарга. Лувсанцэрэнгийн Чойдог манлайн адууны угшилтай. Ш.Мөнгөншагайн хүрэн морины эцэг.

4. Завхан Түдэвтэй  Э.Гүр-Аранзын Зээрд. Эрдэнийн Гүр-Аранз олон морь улс бүсийн уралдаануудад айрагдуулсан, энэ наадамд Сандуйжав морьдыг нь уясан.   

5. Завхан Цэцэн-Уул  Б.Содномцогийн Хул. Монгол улсын тод манлай уяач Бэгзсүрэнгийн Содномцог. 

Хязаалан

1. Завхан Сантмаргац Б.Баасанжавын Халиун. Манлай уяач Борнойн Баасанжав баруун бүсийн уралдаанаас айраг алдалгүй олон жил сайн наадсан. 

2. Завхан Алдархаан  Д.Пүрэвдоржийн Бор. Пүрэвдоржийн бор Алдархааны Борхын голын унага.

3. Завхан Идэр С.Нямзагдын Улаан бор. Этүгэн дээд сургуулийн захирал Сүхрагчаагийн Нямзагд адуунд аргагүй дуртай хүн.

4. Говь-Алтай  Халиун Т.Отгонбаярын Халиун.  Хожмын тод манлай уяач Туваанжавын Гантөмөрийн уяаны хүлэг. Аймгийн алдарт уяач Түмбаатарын Отгонбаяр Т.Гантөмөр гуайн хүргэн нь.

5. Завхан Эрдэнэхайрхан  Буриадын Халтар. Эрдэнэхайрханы Буриадын хэлтэн гэгч морьтой байсан. Онцгой хийцтэй морь байсан гэлцдэг.

Шүдлэн

1. УБ Мон-Эрдэнэ С.Ганхуягийн Халтар. Төрийн наадмын айрагтай Б.Нацагнямын халтар.                 

2. Завхан Тэлмэн Э.Ганбатын Зээрд халзан. Тэр жилийн үндэсний их баяр наадмын түрүү зээрд халзан үрээ. Түүний улсад түрүүлсэн хүрэн азарганы үр гэдэг.

3. Сүхбаатар Дарьганга Ч.Улааны  Хонгор

4. Завхан Түдэвтэй  Д.Батсайханы Хээр. Данаажавын Батсайханы хээр үрээ. Өмнөх цуваанд бөндөр хэмээн ташаа бичигдсэн байдаг.

5. Завхан Түдэвтэй Э.Гүр-Аранз Өсгий цагаан хээр

Даага

1. Завхан Эрдэнэхайрхан Ч.Цээсүрэнгийн Хүрэн. Чимэддоржийн Цээсүрэнгийн хүрэн даага хожмоо их сайн морь болсон. Нутгийн унаган адуу. Энэ дааганы эх нь Сартуул, эцэг нь Тэсийн голын унага. Завхан аймагт хязаалан аман хүзүүдэж, соёолон түрүүлж, нийлээд нэг зургаалж нэг айрагдсан. Аймаг суманд 28 удаа цоллуулсан алдартай хүлэг болой.

2. Архангай Ихтамир  Л.Алтангэрэлийн Хээр. Архангай аймгийн айрагдаж түрүүлсэн морьд энэ даншигт ирж уралдсан.

3. Завхан Цэцэн-Уул Б.Содномцогийн Хээр. Архангайн ойд сайн наадаад энд ирж уралдсан. Энэ хээр Архангайд Ш.Бадамжунайн нэрээр айрагдсан. 

4. Завхан Идэр Батмөнхийн Хээр

5. Завхан Баянтэс Д.Базаррагчаагийн Мөнгөн хөлт. Дэлгэрэхийн Базаррагчаагийн мөнгөн хөлт гэж сайн азарга болсон. Орон нутагтаа олон түрүүлж айрагдсан.