Т.Галбадрахын гал уяа 2023 оны шилдэг

Өчигдөр Чингисийн музейд 2022 2023 онуудын оны шилдэг уяач, морьд, уралдаанч, салбар холбоодыг шалгаруулж гардууллаа. Монголын морин спорт уяачдын холбооны тэргүүний үүрэг гүйцэтгэгч Баасансүрэнгийн Нямжав шагналыг гардуулав. 2023 он буюу туулай жилийн шилдэг гал уяагаар тод манлай уяач Төмөрбаатарын Галбадрах тэргүүнтэй, М.Алтан-Очир уяачтай гал уяа шилдэг галаар нэрлэгдлээ. Тус галынхан улс, бүсийн уралдаанаас хамгийн олон айраг түрүүг аваад байсан юм. Оны босгон дээр тод манлай уяач цол хүртсэн Мягмарсүрэнгийн Алтан-Очир мөн оны шилдгийн шилдэг уяачаар шалгарсан юм.