Шилдгийн шилдэг салбар холбоогоор Очирвааний хүлэгхолбоо шалгарлаа

Монголын морин спорт уяачдын холбооноос өчигдөр туулай жилийн шилдэг уяач, шилдэг салбар холбоо, шилдэг морьд, шилдэг уралдаанч хүүхдийг шалгаруулж гардуулав. Чингисийн музейд тус арга хэмжээ болсон бөгөөд 2022 оны шилдгүүдийг хамтад нь гардуулсан нүсэр үйл ажиллагаа болсон билээ. Туулай жилийн шилдгийн шилдэг аймгийн салбар холбоогоор Б.Түвшин тэргүүнтэй Завхан аймгийн Очирваанийн хүлэг морин спорт уяачдын холбоо шалгарав. Тус холбоо орон нутгийнхаа адууны чанар чансааг сайжруулахад зориулсан олон үйл ажиллагааг зохион байгуулсан юм. Харин шилдэг салбар холбоогоор Хэнтий аймгийн уяачдын холбоо шалгарлаа.