Ардын хувьсгалын 80 жилээр эхний 20-д орсон азарганууд

 Азарга

1. Хэнтий Дадал Н.Дарамрэнчингийн Хээр алаг. Баадуу адуу. Улсын баярт соёолон айрагдаж, Дундговь, Хэнтий аймгуудын түүхт ойд айрагдсан. 

2. Дундговь Эрдэнэдалай Р.Рашийн Хүрэн. Дарьгангын Д.Дугарсүрэнгийн унаган. Улсын бүсэд бага насандаа айрагдсан. 

3. Сүхбаатар Халзан Э.Ууганбаярын  Халтар. Монгол улсын алдарт уяач Энэбишийн Ууганбаяр залуухан уяач байх цагтаа төрийн наадамд унаган гурван адуу айрагдуулсан. 

4.  Сэлэнгэ Мандал Д.Алтангэрэлийн Хээр. Дархан Алтангэрэлийн хээр азаргыг тод манлай хөдөлмөрийн баатар Д.Онон уясан. Бага насандаа улсын баярт Нэргүйн Батнямын нэрээр айрагдсан. 

5. Архангай Хотонт Д.Ням-Осорын Хонгор. Тод манлай уяач Ц.Аюуш уясан. 1994 онд даагандаа улсын баяр наадамд айрагдаж байсан. 

6. Хэнтий Дэлгэрхаан С.Оосордагвын Ногоон. Алдарт их Сүрэнхорын хээрийн эгч гүүнээс гарсан гэдэг байх. 1999 оны Боржигон 2000 оны Хардэл бэйсийн даншигт түрүүлсэн. Энэ баяраас хэдхэн хоногийн ард Их хурдад айрагдсан. 

7. Төв Батсүмбэр Г.Бямбаагийн Шарга. Тоорой Бямбаагийн шарга гэгч хурдан азарга. Зургаа, долоо наймын гурван азарга бөөндүү орсон.

8. Төв Сэргэлэн Б.Жанчивын Хүрэн. Дорнод унаган азарга. Энэ баярын дараа Их хурдад айрагдсан. 

9. Архангай Хотонт Ц.Аюушийн Хээр. Бага насандаа улсын баярт хоёр айрагдсан. Авдай Лувсандоржийн адууны хүлэг. Улсын бүсийн уралдаанд олон айрагдсан. Энэ баярын дараа Өвөрхангайн ойд түрүүлсэн. 

10. Өвөрхангай Нарийнтээл Д.Цэрэнжигмэдийн Хонгор. Тод манлай уяач Д.Сандуйжав уясна. 

11. Дархан-Уул Бурхан Халдун Н.Мөнхдашийн Хүрэн. Өвлийн уралдаанд сайн уралдаж байсан алдарт нүцгэн зээрд хэмээх азарга нь болов уу. Дүнжингаравт түрүүлсэн. 

12. Говь-Алтай Баян-Уул Д.Ганбаатарын Арвай хээр. Хэнтий Мөрөн унаган адуу. Улсын наадамд соёолон айрагдсан. 

13. Өвөрхангай Хужирт Г.Батхүүгийн Шарга. Улсын баярт хоёр айрагдсан. Уртын Дамдинжавын унаган адуу. Толин хулаа түрүүлгээд очиж даага авсан гэдэг. 

14. Улаанбаатар Г.Ганхүүгийн Үст хүрэн. Д.Гарамжав манлайн унаган адуу. Улсын баярт хоёр айрагдаж, улсын бүсийн уралдаанд мөн хоёр айрагдсан. 

15. Төв Баяндэлгэр Г.Василийн Хонгор. Улсын наадамд нэг айрагдаж, Төв аймгийн 80 жилийн ойд түрүүлсэн. Баяндэлгэрийн Хүүхдийн халтар адууны тод төлөөлөгч. 

16. Улаанбаатар Баянгол Иванжавын Хээр

17. Сүхбаатар Мөнххаан Ж.Чулууны Сартай хар. Өндөр Чулуун гуайн алдарт өвгөн хар азарга нь бололтой. Үр төлүүд нь одоо ч улсын том наадамд айраг түрүү авсаар байгаа. 

18.Хэнтий Мөрөн Д.Гэрэлт-Одын Хээр

19. Баяннгол зочид буудал Л.Цогтбаярын Хээр

20.Төв Архуст Б.Бат-Очирын хул