2012 онд улсын цол хүртсэн уяачид

Үндэсний их баяр наадмыг зохион байгуулах комиссоос Үндэсний их баяр наадмын тухай хуульд заасан болзол хангасан уяачдад цол хүртээхээр өргөн мэдүүлсэн саналыг үндэслэн Монгол Улсын Ерөнхийлөгч Ц.Элбэгдорж XVII жарны “Баясгалан” хэмээх Хар усан луу жилийн сар шинийн баярын босгон дээр зарлиг гаргаж олон жил хурдан морины уяа сойлго тааруулж улсын хэмжээний наадмуудаас түрүү, айраг авсан нэр бүхий уяачдад улсын цол хүртээлээ. Үүнд:

МОНГОЛЫН ТОД МАНЛАЙ УЯАЧ ЦОЛООР:

1.Дорноговь аймгийн Сайншанд сумын уугуул, Улсын Манлай уяач Гончигжавын Алтангэрэл

2.Өвөрхангай аймгийн Хужирт сумын уугуул, УИХ-ын гишүүн, Улсын Манлай уяач Гаваагийн Батхүү

МОНГОЛ УЛСЫН МАНЛАЙ УЯАЧ ЦОЛООР:

1.Сүхбаатар аймгийн Дарьганга сумын уугуул, УИХ-ын гишүүн, Улсын Алдарт уяач Чүлтэмийн Улаан

2.Сүхбаатар аймгийн Түмэнцогт сумын уугуул, “Түмэн магнай” галын ерөнхий уяач, Улсын Алдарт уяач Сайрийсүрэнгийн Төмөр-Очир

3.Дорноговь аймгийн Сайхандулаан сумын уугуул, Улсын Алдарт уяач Чойжмаагийн Цэрэндэжид

4.Сүхбаатар аймгийн Баруун-Урт сумын уугуул, Улсын Алдарт уяач Чилхаасүрэнгийн Гансүх

5.Төв аймгийн Сэргэлэн сумын уугуул, Улсын Алдарт уяач Навааны Од

6.Говь-Алтай аймгийн Шарга сумын уугуул, “Алтай констракшн” компанийн захирал, уяач Хадбаасангийн Бат-Эрдэнэ

7.Өмнөговь аймгийн Цогтцэций сумын уугуул, “Ажнай” группын ерөнхийлөгч, Улсын Алдарт уяач Дашдэмбэрэлийн Бат-Эрдэнэ

МОНГОЛ УЛСЫН АЛДАРТ УЯАЧ ЦОЛООР:

1.Ховд аймгийн Алтай сумын уугуул, “Торгоны зам” компанийн захирал, уяач Цэдэвийн Гантөмөр

2.Өвөрхангай аймгийн Уянга сумын уугуул, уяач Чойдогсүрэнгийн Бямбасүрэн

3.Хөвсгөл аймгийн Цагаан-Уул сумын уугуул, Аймгийн алдарт уяач Гордоогийн Доржпүрэв

4.Завхан аймгийн Улиастай сумын уугуул, уяач Дашзэвэгийн Дагвадорж

5.Өмнөговь аймгийн Даланзадгад сумын уугуул, уяач Намдагийн Хүрлээ

6.Ховд аймгийн Мөст сумын уугуул, уяач Буднямын Буяннэмэх

7.Увс аймгийн Зүүнговь сумын уугуул, уяач Бичээрийн Далай нарыг тус тус шагнаж урамшуулав.