Магнай халиун
Манлай уяач Түдэндоржийн Магнай халиун азарга Сүхбаатар аймгийн Халзан сумын ААУ Я.Буйрын унаган адуу. Эцэг нь Я.Буйрын шарга азарга. Шарга азарганы эцэг нь улсын алдарт Ж.Мөнхсүрэнгийн овооны хээр азарга. Овооны хээр азарганы эцэг нь Д.Цэвэгсүрэнгийн "Алтан азарга" алдарт бундут халтар азарга. Шарга азарганы эх нь манлай уяач А.Ухнын том халиун азарганы төл шарга халзан гүү.
Эх нь Я.Буйрын халтар гүү. Халтар гүүний эцэг нь Ч.Энэбишийн халтар азарга, түүний эцэг нь Д.Цэвэгсүрэнгийн "Алтан азарга" алдарт бундут халтар азарга. Халтар гүүний эх нь олон тамгат хэмээх Халзан сумын Цэрэннадмидын адууны халтар гүү.
Магнай халиуныг дааганд нь сумын наадамд уяхаар хөтөлгөө морьтой ажил хийж байгаад хөх махыг нь эмээлийн дөрөөнд цохиод, доголгоод уралдаж чадаагүй. Шүдлэн үрээ хавар нь Буйр гуайн хүү Б.Содбаясгалан тэжээж байсан үрээгээ өөрийн найз Эзэнмөнхийн Мөнх-эрдэнэд өгч, Халиун үрээгээ 2 найз хамтран уяж 2 аймгийн тэгш ойд айрагдуулсан. 2012 онд Жавхлан шаргын уралдаанд түрүүлэхэд нь Хөвсгөл аймгийн Мөрөн сумын уугуул МУМУ Т.Болдбаатар авсан.
Улсын наадам, улсын бүсэд
1. 2012 оны Сүхбаатар аймгийн 70 жилийн ой зүүн бүсийн даншигт хязаалан 3т
2. 2013 оны Дүнжингаравт соёолон айргийн дөрөвт
3. 2013 оны Орхон аймагт болсон Хангайн бүсийн хаврын уралдаанд соёолон аман хүзүү.
4. 2013 оны Хэнтий аймгийн 90 жилийн ой зүүн бүсийн даншигт азарганд түрүү.
5. 2014 оны АХ-ЫН 93 жилийн ой улсын баяр наадамд аман хүзүү.
6. 2014 оны Хотгойдын хурд-3" хангайн бүсийн даншиг наадамд айргийн 3т.
7. 2015 оны Дүнжингаравт түрүү
8. 2015 оны Ах-ын 94 жилийн ой улсын баяр наадамд айргийн 4т.
9. 2015 оны Сүхбаатар аймагт болсон зүүн бүсийн даншигт түрүү.
10. 2015 оны ММСУХ-НЫ 20 жилийн ойн боржигоны даншигт айргийн 3т.
11. 2016 оны Ах-ын 95 жилийн ой улсын баяр наадамд түрүү.
12. 2016 оны Монголын Шигшмэл Хурдан морьдын Их-Хурд уралдаанд аман хүзүү.
13. 2016 оны Хэнтий аймагт болсон Сэцэн ханы хурд зүүн бүсийн даншигт түрүү.
14. 2017 оны Ах-ын 96 жилийн ой улсын баяр наадамд түрүү.
15. 2017 оны Сүхбаатар аймагт болсон зүүн бүсийн даншигт аман хүзүү
Аймаг, аймгийн бүсэд
1. 2011 оны Хөвсгөл аймгийн 80 жилийн ойд шүдлэн аман хүзүү.
2. 2011 оны Өвөрхангай аймгийн 80 жилийн ойд шүдлэн 4т
3. 2012 оны Сүхбаатарын жавхлант шаргад хязаалан түрүү
4. 2012 оны Хөвсгөл аймгийн Дэлтэй цэнхэрт хязаалан түрүү.
5. 2013 оны Сүхбаатарын жавхлант шаргад соёолон аман хүзүү.
6. 2014 оны Хэнтий аймгийн баяр наадамд азарга түрүүлсэн
