2011 онд улсын цол хүртсэн уяачид

Түүхт ойнуудын их баяр наадмыг зохион байгуулах комиссоос Үндэсний их баяр наадмын тухай хуульд заасан болзол хангасан уяачдад цол хүртээхээр өргөн мэдүүлсэн саналыг үндэслэн Монгол Улсын Ерөнхийлөгч Ц.Элбэгдорж XVII жарны “Илжиг” хэмээх Цагаагчин төмөр туулай жилийн сар шинийн баярын босгон дээр зарлиг гаргаж олон жил хурдан морины уяа сойлго тааруулж улсын хэмжээний наадмуудаас түрүү, айраг авсан нэр бүхий уяачдад улсын цол хүртээлээ. Үүнд:

МОНГОЛ УЛСЫН ТОД МАНЛАЙ УЯАЧ ЦОЛООР:

1.Говь-Алтай аймгийн Баян-Уул сумын уугуул, “Макс” группын захирал, Улсын Манлай уяач Дагвадоржийн Цэрэнжигмэд

2.Завхан аймгийн Улиастай сумын уугуул, “Шим” группын ерөнхий захирал, Улсын Манлай уяач Лхагвын Цандэлэг

3.Төв аймгийн Батсүмбэр сумын уугуул, “Цагаан ноён” компанийн ерөнхий захирал, Улсын Манлай уяач Цогтын Батсайхан

4.Төв аймгийн  Баянцогт сумын уугуул, “Босоо хүлэг” галын Улсын Манлай уяач Дашдоржийн Мөнхбат

5.Төв аймгийн Баянцогт сумын уугуул, Улсын Манлай уяач Сумъяасүрэнгийн Ганхуяг

МОНГОЛ УЛСЫН МАНЛАЙ УЯАЧ ЦОЛООР:

1.Төв аймгийн Сэргэлэн сумын уугуул, “Алтан хүнс групп” компанийн захирал, Нийслэлийн Алдарт уяач Агваансамдангийн Батсүх

2.Завхан аймгийн Цэцэн-Уул сумын уугуул, Тариалан эрхлэлтийг дэмжих сангийн Хөтөл салбарын захирал, Улсын Алдарт уяач Бэгзсүрэнгийн Содномцог

3.Төв аймгийн Баян сумын уугуул, “Агт Эрдэнэ” галын Нийслэлийн Алдарт уяач Дондогийн Оюунбилэг

4.Дархан-Уул аймгийн Дархан сумын уугуул, “Бурхан Халдун” группын ерөнхийлөгч, Улсын Алдарт уяач Намсрайн Мөнхдаш

5.Завхан аймгийн Цагаанхайрхан сумын уугуул, Орхон аймгийн Баян-Өндөр сумын суугуул, “Чингисийн чулуу” компанийн захирал, Улсын Алдарт уяач Дайриймаагийн Жаргал

6.Ховд аймгийн Дарви сумын уугуул, “Бумбат констракшн” компанийн захирал, Улсын Алдарт уяач Батчулууны Мөнхтөр

7.Хэнтий аймгийн Дадал сумын уугуул, “Алтай констракшн” компанийн менежер, Улсын Алдарт уяач Батхүрэлийн Бат-Өлзий  

МОНГОЛ УЛСЫН АЛДАРТ УЯАЧ ЦОЛООР:

1.Сүхбаатар аймгийн Халзан сумын уугуул, Аймгийн алдарт уяач Ухнаагийн Эрдэнэбилэг

2.Өвөрхангай аймгийн Хайрхандулаан сумын уугуул, Аймгийн Алдарт уяач Бат-Өлзийгийн Отгоннасан нарыг тус тус шагнав.