Пүрэвжалын Цогтбаяр

Аймгийн алдарт уяач Пүрэвжалын хүү. Их бага наадмаас хорь гаруй түрүү 60 гаруй айраг авсан. Хурдан хүрэн халзан азарга нь 2006 онд Говь-Алтайн аймагт болсон баруун бүсийн даншигт хязаалан аман хүзүүдэж, 2009 онд Тэлмэн суманд болсон баруун бүсийн даншигт айргийн гуравт, 2011 онд Увс аймагт болсон баруун бүсийн даншигт айргийн дөрөвт тус тус давхиж баруун монгол даяар нэрд гарсан хурдан азарга юм. Ханхөхүйн тахилгад аман хүзүүдэж, 2011 онд Завхан аймгийн баяр наадамд гуравт хурдалсан. Хүрэн халзан үрээ Нөмрөг сумын ойд түрүүлж байсан.