Баттөгсийн ягаан халзан

Говьсүмбэр аймгийн Сүмбэр сумын уугуул Доржийн Баттөгсийн ягаан халзан морь 2023 оны уралдаанд үзүүлсэн амжилтаараа дөрвөн оноо цуглуулж, МУ-ын Чансаа өндөр их насны морьдын дөрөвдүгээрт эрэмбэлэгдсэн байна. Сүмбэр халзан морь ардын хувьсгалын 102 жилийн ой, Үндэсний их баяр цэнгэл наадамд аман хүзүүнд хурдалсан юм.

2024 оны Боржигоны улсын бүсийн уралдаанд хол сайхан энэ хүлэг түрүүлсэн Шүхэртийн Лхамсүрэнгээс монгол улсын аварга Оргихын Хангайгаар дамжсан морь. Тод манлай уяач Балдоржийн Баярдоржоос Д.Баттөгст очсон. Монгол улсын залуу алдарт уяач Эрдэнэбатын Баянзул энэ хүлгийн уяа сойлгыг тааруулдаг юм. Монгол улсын чансаа өндөр хүлэгт хоёр жил дараалан нэрлэгдэх нь тодорхой болоод байна. 

Д.Баттөгсийн зээрд халзан азарга нь 2024 оны үндэсний их баяр наадмын сонгомол дээд ангилалд айрагдсан бөгөөд энэ хүлэг Г.Хадбаатарын унаган адуу. Чойрын улсын бүсийн уралдаанд Д.Баттөгсийн даага нь түрүүлсэн юм.