Ванчинсүрэнгийнхэн
Завхан аймгийн Завханмандал сумын харьяат Нанзадын Ванчинсүрэн уяач их насны хээр морь Завхан аймгийн баяр наадамд 1940 онд түрүүлгэж байсан. Ер нь тус сумынхан тэр үед аймагтаа сайн наадаж байсан. Түүний хүү аймгийн нефть баазад ажиллаж байсан В.Шонхор аймгийн алдарт уяач. Завханмандал, Улиастайгаар нааддаг хээр үрээ аймгийн наадамд айрагдуулсан. Энэ үрээг сүүлд Лааганжав арслангийн дүү Цэвээнжалбуугийн хээр гэж морь болж аймгийн баярт айрагдсан.
Хөвчтэй саран тамгатай хонгор морь Хэнтийн Дэлгэрхаанд уралдаж байсан. Хэнтийн 2016 оны зүүн бүсийн уралдаанд очиж уралдаж байсан. 1985 онд төв рүү орж морь уяхаа больсон.
Гурав дахь үеийн удамт уяач Шонхорын Доржрагчаа Улсын бүсийн уралдааны хоёр түрүүтэй, улсын баяр наадмын айрагтай. 2017 оны Өвөрхангайд түрүүлдэг хээр Мөнххаан сумын Мөнхсансарын унаган адуу. Эдний адуу тэнд байсан. Хээр морь Жавхлант шаргад айрагдсан, 2017 онд улсын бүсэд түрүүлээд, улсын баяр наадамд хадуураад айрагдаж чадаагүй. Хойтон хавар нь уягдаж байгаад хөлөө гэмтээгээд дахиж уралдуулаагүй. Уртнасангийн Тамирын уяаны буган хээр үрээ 2023 онд Завхан аймгийн 100 жилийн ойд түрүүлсан. 2024 оны үндэсний их баяр наадамд энэ хурдан буган үрээ айрагдсан билээ. Энэ үрээний эх халиун гүү нь эдний адууных юм.
