Будын халзан азарга

Сүхбаатар аймгийн Онгон сумын уугуул,Халзан сумын харьяат МУАУяач Пяранлайн Будын ах дүү 2 халзан азарганы удам угшлын талаар бичье.

Ах халзан азарга 2002 оны Сүхбаатар аймгийн 60 жилийн ой, Зүүн бүсийн хурд наадамд соёолон азарга аман хүзүүдсэн.

Дүү халзан буюу Овооны халзан азарга нь 2008 оны Алтан овооны их тахилга наадамд азарга түрүүлсэн юм.

Буд гуай Сүхбаатар сумын Чихэр хэмээх Сүхбаатарын адууны хурдан буган азаргатай байсан.Тэр буган азарганд Онгон сумын угшилтай хүрэн гүүг хураалгаж Асгат сумын Бөмбөг Сүрнээгийн буган азарга, Шаравдаржийн хээр азарга( Даатгал хээрийн эцэг), Мичиджамбын Ооёогийн халтар( 2004 оны Их хурдын 5 Цогнойжамцын хул морины эцэг) зэрэг хурдан азарганууд төрсөн байдаг.

Гэндэнгийн Бадиагийн хурдан халтар азарганы төл хар азаргыг( Жаахан Лхамсүрэнгийн хар азарганы дүү) авч, Халзан сумын Сэрээтэрийн Жамьяншаравын Босоо зээрд азарганы төл хар гүүг хураалгаж хар гүү гарсан ба хар гүүгээ хурдан буган азаргандаа хураалгаж Сарт хүрэн азарга гарсан. Сарт хүрэн азаргандаа Алдарт буган, халтар азаргануудын эх Онгон сумын угшилтай хөгшин хүрэн гүүгээ тавьж 2 халзан азарга гарсан түүхтэй.

Б.Чулуунбатын бичсэнээс