Жадамбаагийн Бямбаноров

Завханмандал сумын уугуул уяач Жадамбын Бямбаноров улсын нөөцийн газрын даргаар ажиллаж байсан. 2003 онд толин хулын удамтай Ооройн Энхээгийн зээрдийн үр хязаалан хул үрээ долоод хурдлуулсан. Энэ хул соёолондоо Өлзийт хороололд болсон хаврын анхны бүсийн уралдаанд аман хүзүүдэж байв. 2005 онд Өндөр гэгээний даншигт буурал азарга долоод, соёолон хээр үрээ аравт давхиулсан. Хээр үрээ тэр жилийн улсын баярт мөн аравт орсон. Баянцагааны даншигт айрагдсан Ж.Жадамбын хээр морийг худалдаж авсан. 2003 онд хээр морь хурдан байхдаа таваг нь задраад улсад 16-д орсон. Сунгаанд энэ хээр, Цэрэнжаагийн хээр хоёр түрүү аман хүзүүнд, Д.Цэнд-Аюушийн хүрэн морь гуравт орж байсан юм. Их наадамд хүрэн морь түрүүлж, Ж.Бямбаноровын хээр морь найм дээр гарч ирээд үлдэж байсан юм. Хээр морь Багануур, Багахангайд айрагдаж Ээж хадны наадамд түрүүлж байлаа. Галшарын Ноён Бямбаагаас бөгөн хулын удамтай хул үрээ авч, Аргалант сумын 20 жилийн ойд азарга болоод түрүүлсэн.