Дааган Ганаа

Дөчөөд оны үед Баян сумын Аюурын Дашгэндэн гэж сайн уяач байлаа. Түүний Шарга үрээ улсын наадамд айрагдсан байдаг. Энэ уяачийн зээ хүү Р.Ганхуяг улс даяар нэртэй сайн уяач болж “Монгол улсын Манлай уяач” цол хүртсэн юм. Тэрээр олон нийтэд “Дааган Ганаа” гэж алдаршсан бөгөөд даага уях өвөрмөц арга барилыг өөрөө боловсруулж, түүгээрээ гоц амжилтад хүрсэн байна. Дорнойн Сундуй гуайн адууны буурал азарганы үр төл улсын баяр наадамд ээлжгүй айрагдаж түрүүлсэн бөгөөд ММСУХ-ны алтан азарга өргөмжлөлийг хүртсэн билээ.