Завхан аймгийн Тэлмэн сумын  “Хүрэн тал” 2009.07.25-26-нд энэхүү даншиг наадам зохион байгуулагдсан. Энэ наадмыг Монголын морин спорт уяачдын холбоо, Завхан аймгийн Засаг даргын Тамгын газар зохион байгуулсан . Наадмын ивээн тэтгэгчээр “Жем интернэшнл” ХХК,  “Таван толгой транс” ХХК зэрэг байгууллагууд ажиллаж шагналын хувьд төвийн болон зүүн бүсийн наадмуудынхаас өндөр байв.

Азарга 140

1. Завхан Улиастай  Л.Цандэлэгийн Соёмбо хүрэн. Монгол улсын алдарт уяач Ц.Жамбалсүрэнгийн унаган адуу. Соёмбо хүрэн бүсийн дөрөвдэх түрүүгээ авсан бол Буган хүрэн нь бүсийн наадамд 7 дахь удаагаа айрагдаж байна

2. Завхан Эрдэнэхайрхан Б.Энхболдын хонгор. Сүхбаатар аймгийн Асгат сумын уугуул бэлтгэл хурандаа Будын унаган азарга хурдаллаа. Тод манлай  Ц.Дуламсүрэн уясан. Өнөө жил Сүхбаатар аймгийн Асгат сумын наадамд түрүүлчихээд ирсэн.

3. Завхан Сантмаргац  Б.Баасанжавын хүрэн халзан. Энэ үед манлай уяач Б.Баасанжавын хүрэн, хүрэн халзан хоёр сайн азарга байлаа. Цогтбаярын Пүрэвжавын халзан гэдэг азарга.

4.  Завхан Цагаанхайрхан Д.Чулуунбатын Буган хүрэн. Уул хангайн буган хүрэн 2003-2009 хүртал завсаргүй том наадамд айрагдсан азарга.

5. Хөвсгөл Их-Уул  Д.Энхтөрийн хүрэн.  Түвшинширээгийн Даржаа ламын унаган адуу. 2004 онд Дэлгэрэхийн 80 жилд аман хүзүүдээд, Түвшинширээд түрүүлээд, Уулбаяны ойд 12-т давхиад, Асгатын 80 жилд 11-т, соёолон сумандаа долоод ороод зарагдсан.

Их нас

1. Увс Зүүнговь С.Батмөнхийн хүрэн. Увс аймагтаа аман хүзүүдсэн хавчиг морь.

2. Завхан Эрдэнэхайрхан Б.Энхболдын Егүзэр хээр. Үндэсний их баяр наадмын аман хүзүү, өмнөх жилийн улсын шилдэг их нас Егүзэр хээр морь.

3. Завхан Тэлмэн М.Насанбатын хээр. Тэлмэний Мөнхөөгийн Насанбатын хээр босоо хурдан хүлэг байсан. Энэ ондоо аймагтаа түрүүлсэн. Хожим Эрдэнэтийн Д.Чулуунбатад ирсэн.

4. Дундговь Өлзийт Б.Наранхүүгийн бор халзан. Б.Наранхүүгийн бор халзан морь нь Хэнтий аймгийн унаган хүлэг бөгөөд Алдарт уяач З.Хүрлээгийн босоо улаан азарганы үр удам гэгддэг билээ. 2006 оны улсын баярт соёолон айрагдсан.

5. Өвөрхангай Хайрхандулаан Б.Отгоннасангийн буурал. Баруун бүсэд ээлжгүй айрагдаж түрүүлж байсан морь доо.

Соёолон

1. Сэлэнгэ Мандал Д.Батбаярын Зоос бор. Үндэсний их баяр наадамдаа түрүүлээд дахин түрүүлэв.

2. Завхан Тосонцэнгэл Т.Галбадрахын ногоон. Дорнод унаган адуу.

3. Сүхбаатар Баяндэлгэр Б.Цэрэнбалтавын зээрд

4. Завхан Тэлмэн Э.Ганбатын хээр үрээ /хязаалан/.  Соёолонд энэ жилийн улсын наадмын түрүү, айргийн 5 адууны 3 нь энд дахин айрагдсан байна. Мөн улсад түрүүлсэн  хязаалан соёолон насанд дэвшин уралдаж айрагджээ.

5. Сүхбаатар Эрдэнэцагаан Н.Лутбаярын шарга. Сүхбаатар унаган адуу, Байгальхүүгийн унаган. 

Хязаалан

1. Завхан Цагаанхайрхан  Д.Чулуунбатын Зээрэн зээрд. Хязаалангийн түрүү аман хүзүүг Даариймаагийн хөвгүүд авав.

2. Завхан Цагаанхайрхан Д.Жаргалын бор. Даагандаа Ирээдүйн түмэн эхэд айрагдаж байсан бор үрээ. Бага насандаа том наадамд олон айрагдсан. 

3. Завхан Эрдэнэхайрхан П.Ганзоригийн хүрэн. Эрдэнэхайрханы Ганзоригийн хоёр хурдан хүрэн үрээ энэ цагт байсан даа. Пүрэвсүрэнгийн Ганзориг хязаалан шүдлэн хоёр сайн хүрэн үрээтэй байсан. Аймагтаа хоёулаа түрүүлсэн. Матадын унаган хязаалан хүрэн үрээ нь энд айрагдаж Эрдэнэцагааны унаган шүдлэн хүрэн үрээ нь долоод давхижээ.

4. Завхан Улиастай Л.Цандэлэгийн зээрд. Даагандаа Хотгойдын хурдад айрагдаж байсан.

5. Завхан Эрдэнэхайрхан С.Содномцэрэнгийн хонгор.  Содномцэрэнгийн хонгор Н.Даш-Өлзийн адууны хүлэг. 1998 оны Баянцагааны даншигт айрагдсан Лхагважавын ухаа гэгч хурдан азарганы удам. 

Шүдлэн

1. Ховд Алтай “Торгоны зам” Ц.Гантөмөрийн хүрэн. Тод манлай уяач Ц.Дуламсүрэн уясан.

2. Завхан Улиастай Л.Цандэлэгийн хонгор халзан

3. Төв Алтанбулаг С.Дамбажавын хээр. Өөрийнх нь хурдан бор азарганы үр. 

4. Тод манлай уяач Э.Эрдэнэчулууны зээрд

5. Увс Өндөрхангай Б.Нэргүйбаатарын шарга. Завхан аймагт зохиогдсон баруун бүсийн наадамд тус аймгийн уугуул тод манлай уяач Л.Цандэлэг, Д.Чулуунбат нар болон Тод манлай уяач Э.Эрдэнэчулуун, Ц.Дуламсүрэн нар одтой сайхан нааджээ. Мөн цагийн босоо хүлэг алдарт Бага шарга азарга нь өөрөө хурднаас гадна үр, төл сайтай азарга гэдэг нь энэ баруун бүсийн наадмаар тодорлоо.

Даага

1. Өвөрхангай Хайрхандулаан Э.Эрдэнэчулууны Хээр. Шүдлэнгийн дөрөв тавын 2 үрээ, түрүүлсэн даага нь алдарт Бага шаргын төлүүд. Түрүүлсэн хээр даага хожим Б.Цэрэнбалтавын хээр азарга болж 2012 онд Дүнжингаравт эрлийз насанд түрүүлсэн.

2. Хөвсгөл Тариалан  Г.Доржпүрэвийн Сартай хүрэн. Өнөө жил Хөвсгөл аймагтаа түрүүлсэн даага.

3. Дундговь Луус Д.Эрдэнэчулууны Зараа зээрд. Манлай уяач Д.Эрдэнэчулууны зээрд даага Буденный эцэгтэй монгол эхтэй. Л.Бямбаноровын зараа гэгч азарга болсон.

4. Хөвсгөл Тариалан Г.Доржпүрэвийн Зул хонгор.  Г.Доржпүрэвийн зул хонгор  гэдэг азарга. Шөрмөсөө гэмтээгээд олон уралдаж чадаагүй.

5. Завхан Түдэвтэй Б.Отгонбаатарын улаан буурал. Энэ жил Завхан аймагтаа түрүүлсэн даага.