2019 оны чансаа өндөр Сонгомол дээд

Төв аймгийн Баян сумын уугуул Б.Нямжавын зээрд морь шалгарчээ. Уг хүлэг Ардын хувьсгалын 98 жилийн ойн баяр наадамд түрүүлж, шигшмэл морьдын Их хурд-8” уралдаанд айргийн дөрөвт хурдалсан юм.Энэхүү амжилтаараа 15 оноо цуглуулж, торгон жолоо өргүүлжээ. Тод манлай уяач Д.Ононгийн унаган адуу юм.

Дэд байрт Хөвсгөл аймгийн Шинэ-Идэр сумын уугуул Ч.Цэрэнбатын хул морь 13 оноогоор жагссан байна.Уг хүлэг шигшмэл морьдын “Их хурд-8” болон Ардын хувьсгалын 98 жилийн ойн баяр наадамд тус тус аман хүзүүдсэн аж.

Гуравдугаар байрт Төв аймгийн Батсүмбэр сумын уугуул, Тод манлай уяач С.Лувсанбалдангийн Луу халтар 12 оноо цуглуулсан амжилтаар эзэлжээ. “Их хурд-8” уралдаанд айргийн тав, “Боржигон 2019” төвийн бүсийн уралдаанд айргийн гуравт хурдалсан амжилтаараа тус байрт эрэмбэлэгдсэн байна.

Тод манлай уяач Б.Билэгдэмбэрэлийн унаган адуу юм.

Дөрөвдүгээр байрт Хөвсгөл аймгийн Шинэ-Идэр сумын уугуул, аймгийн алдарт уяач Ц.Чимэдбавуугийн хүрэн халзан

Тавдугаар байрт Төв аймгийн Баян сумын уугуул Манлай уяач П.Энхмөнхийн хул

Зургадугаар байрт Төв аймгийн Аргалант сумын уугуул, аймгийн алдарт уяач Д.Амгаланбаатарын Хандгай халтар.

Долдугаар байрт Төв аймгийн Баян сумын уугуул, манлай уяач Х.Цогтсайханы хээр

Наймдугаар байрт Булган аймгийн Хангал сумын уугуул, аймгийн Алдарт уяач Б.Чөдөр-Эрдэнийн Тэмүүжин хээр

Есдүгээр байрт Хөвсгөл аймгийн Цэцэрлиг сумын уугуул, Монгол Улсын алдарт уяач Г.Батболдын Сүлд хул

Аравдугаар байрт Архангай аймгийн Цахир сумын уугуул О.Мэндбаярын хээр халзан хүлгүүд тус тус шалгарчээ.