Мөнхбаярын Ганхуягийн хул азарга

Хул азарга Дорнод аймгийн Чулуунхороот, Эрээнцав хавийн унаган адуу. Удам ч тийм нарийн тодорхойгүй гэж М.Ганхуяг уяач хуучилдаг. Чулуунхороот суманд хязаалан айрагдсан үрээ Завханд иржээ. Соёолон үрээ Нөмрөг сумын баярт азарганд уралдаж түрүүлсэн. Сумынхаа баярт хоёр түрүүлж, хоёр айрагдаж, 2020 оны Завхан аймгийн баяр наадамд дөрөвт хурдалсан. Тэр жил Завхан аймгийн баярт Тосонгийн гурван хурдан азарга түрүүлж айрагдаж, Энэбишийн Ганбатын унаган Тэлмэний А.Даваадоржийн хүрэн азарга айрагдсан түүхтэй. Хул азарга аймгийн бүсэд хэд айрагдсан. Тосонцэнгэлд таваар, Баянхайрханд түрүүлээд, Нөмрөгт дөрөвт, Түдэвтэйд дөрөвт орж байжээ. Дорждагвын Аягатүвшин энэ хурдан хүлгийн уяа сойлгыг тааруулдаг юм.