Арван миллиэр дутуу юм...

Х.Сүрэнхор гуайн хээр азарга гэнэт үхсэн явдал Монголын хурдан моринд дуртай бүх л хүмүүсийн зүрхийг шимшрүүлсэн билээ. Харин үүний дараахнаас хээр азаргатай ойрхон удамтай ногоон азарга нь соёолондоо суманд түрүүлээд бүсийн наадамд түрүүлж эхлэв. Сүхбаатар аймгийн Түвшинширээ сумын харьяат улсын алдарт уяач Жамбалшунуу 2000 оны Хардэл бэйсийн даншиг дээр ногоон азарга түрүүлээд байхад манлай уяач Х.Сүрэнхортой таарч эртний найз тул "Хээр азаргаа орлох адуутай болж дээ" гэхэд “За яахав, хурдан нь хурдан бололтой юм аа. Гэхдээ миний хээр азарганаас арван милиэр дутуу давхих юм даа” гэж хариулсан гэдэг. Ногоон азарга Боржигон наадам, Зүүн бүсийн наадамд түрүүлж, улсад 7-д давхиж, Их Хурдад айрагдсан адуу билээ.

Г.Төмөрхадуурын бичсэнээс...